BAS IMAM BASTAǴAN «IZGILIK KERÝENI» 50 OTBASYǴA QÝANYSh SYILADY

Astana qalasynyń bas ımamy Nurbek qajy Áýeshanuly bastaǵan elordalyq din qyzmetkerleri «Izgilik kerýeni» qaıyrymdylyq aktsııasy aıasynda Astana qalasyndaǵy 50 muqtaj otbasyǵa azyq-túlik sebetterin úlestirdi.

Qala bas ımamy muqtaj otbasylardyń shańyraǵyna arnaıy baryp, azyq-túlik qorjyndaryn tabystap, aqjarma tilegin jetkizdi.

«Qazaqta «Qaıyrymdylyq jasasań, qaıyryn óziń kóresiń» degen taǵylymdy sóz bar. Qasıetti Quranda Alla Taǵala Óz jolynda jumsalǵan árbir ıgiliktiń esesin mindetti túrde qaıtaratynyn súıinshileıdi. Al Paıǵambarymyz (oǵan Allanyń salaýaty men sálemi bolsyn): «Adamdardyń eń jaqsysy – ózgelerge paıdaly bolǵany» dep ósıet etken. Sondyqtan biz, ımamdar, jaqsylyqta árdaıym ózgege úlgi bolýǵa tıispiz. Búgin janashyr jamaǵatpen birge 50 otbasynyń shańyraǵyna arnaıy baryp, azyq-túlik sebetterin tabystaımyz. Osyndaı saýapty iske úles qosqan barsha azamattarǵa Alla razy bolsyn! Jaqsylyqta jarysyp, qaıyrymdylyqtyń kóbeıe túsýine árqaısymyz úles qosa bileıik», – dedi Nurbek qajy Áýeshanuly.

Источник: Aisha