BAS IMAM MEShITTEGI OQYRMANDAR KLÝBYNYŃ MÚShELERIMEN KEZDESTI (FOTO)
Astana qalasynyń Bas ımamy Erbolat Júsipov «Áziret» oqyrmandar klýbynyń múshelerimen kezdesti.
«Bir aıda - bir kitap» jobasy aıasynda ótken kezdesýge «Áziret Sultan» meshitiniń naıb ımam Abdýlahad Smanov, meshit azanshysy Rahymjan Joldas jáne oqyrman qaýym qatysty.
Qala Bas ımamy kitap oqýdyń mańyzy, dinimizde aıtylǵan ǵylym ıgerý jaıly nasıhatymen bólisti: «Kitap oqıtyn elder alǵa ozyp barady. Kitapqa kóńil bóleıik. «Artyq bilim kitapta, erinbeı oqyp kórýge», dep Abaı Qunanbaıuly babamyz aıtqandaı, kitap oqý bilim alýdyń tıimdi joly. Kúnine 10 bet, 20 bet oqý sizdiń kókjıegińizdi ashady, damytady. Qurmetti oqyrmandar, mine, sizder árdaıym ýaqyt taýyp kitap oqyp kele jatyrsyzdar. Osy daǵdy qalmaýy kerek. Búgin «Muftiyat» baspasynan shyqqan «Din men dástúr» kitabyn alyp otyrmyz. Kelesi apta atalǵan kitapty birge talqylmaımyz. Zeıinderińiz ashylsyn!».
Kezdesý barysynda Din men dástúr bólimine jaýapty ımam Abdýlahad Smanov oqyrmandarǵa beriletin negizgi tapsyrmany aıtyp, taraýlarǵa bólip berdi. Osylaısha klýb músheleri bir apta ishinde kitapqa tolyq sholý jasap, óz oılaryn ortaǵa salatyn bop kelisti.
