Bas múftı Ábish Kekilbaev mýzeıine bardy (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Mańǵystaý oblysyna sapary barysynda Aqtaý qalasynda ornalasqan Ábish Kekilbaev atyndaǵy ólketaný mýzeıine at basyn burdy.
Bas múftı osy óńirden shyqqan birtýar azamattyń baǵyndyrǵan shyńy, elimizdiń saıası ómirinde atqarǵan róli jáne naǵyz talantqa tán qaıtalanbas taǵdyrymen tanysty.
«Ábish aǵamyz týrasynda qalamdastary da moıyndap, ol kisini qashanda sergek, qashanda sezimtal, báıgeniń aldynan ǵana keletin tulparǵa uqsatqanyn barshamyz bilemiz. Ótkende ǵana Elbasy dál osy murajaıǵa kelip, joǵary baǵasyn bergen bolatyn. Búgin bizge de osy mýzeıge kelý násip bolypty. Allaǵa shúkir deımin. Ábish aǵamyz shynynda ádebıet pen qoǵamdyq, memlekettik jumystarda óziniń bıik qarym-qabiletin kórsete alǵan úlken abyz aǵamyz edi. Jatqan jeri jaıly bolsyn», – dedi Naýryzbaı qajy Taǵanuly.
