BAS MÚFTI AKADEMIK ASQAR JUMADILDAEVTY 70 JAS MEREITOIYMEN QUTTYQTADY
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Almaty qalasyna jasaǵan jumys sapary barysynda kórnekti matematık-ǵalym, akademık, qoǵam qaıratkeri Asqar Jumadildaevty 70 jas mereıtoıymen quttyqtap, arnaıy júzdesti.
Kezdesý barysynda Bas múftı ǵalymnyń el ǵylymynyń damýyna, ulttyq oı-sananyń qalyptasýyna qosqan súbeli úlesin atap ótip, mereıli jasymen quttyqtady. Sonymen qatar akademık Asqar Jumadildaevtyń ǵylym men bilim salasyndaǵy eńbegi, jastardy bilim men izdeniske shaqyryp júrgen aǵartýshylyq qyzmeti qoǵam úshin asa mańyzdy ekenin jetkizdi.
Óz kezeginde Bas múftı mereıtoı ıesine qurmet kórsetip, ıyǵyna shapan jaýyp, aqjarma tilegin bildirdi. Kezdesý barysynda rýhanııat, ǵylym jáne ulttyq qundylyqtar tóńireginde pikir almasý bolyp, el birligi men jastar tárbıesiniń mańyzy týraly áńgime órbidi.
Akademık Asqar Jumadildaev ózine kórsetilgen qurmet úshin alǵys aıtyp, elimizdiń rýhanı tutastyǵy men jastardyń bilimge umtylysy qoǵamnyń damýy úshin aıryqsha mańyzdy ekenin atap ótti.
