Bas múftı Álııa Qabylbekqyzynyń týystaryna kóńil aıtty
Elordadaǵy Sádýaqas qajy Ǵylmanı meshitiniń ustazy, belgili din qyzmetkeri Álııa Qabylbekqyzy dúnıeden ozdy. Qaıǵyly qazaǵa baılanysty QMDB Tóraǵasy Naýryzbaı qajy Taǵanuly marqumnyń týystaryna kóńil aıtty.
«Álııa Qabylbekqyzynyń qazasy jaıly qaraly habar qabyrǵamdy qaıystyrdy. Álııa apamyz Allanyń bergen ólsheýli ómirin din jolynda kóptegen shákirt tárbıelep, ustazdyq qyzmetke arnady. Eldiń birligi men ıgiligi jolynda bar kúsh-jigerin jumsady. Elordamyzda Islam dinin nasıhattap, meshitti kórkeıtý jolynda qajyrly eńbek etti. Alla Taǵala Álııa Qabylbekqyzyn meıirimine bólep, janyn jánnattyq etkeı! Jaratqan Jabbar Iemiz artynda qalǵan urpaǵyna jar bolsyn! Ámın!» delingen Bas múfıdiń kóńil aıtý jedelhatynda.
