Bas múftı Almatyda Ǵulamalar Keńesiniń kezekti jıynyn ótkizdi (FOTO)
Búgin Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Almaty qalasynda Ǵulamalar keńesiniń kezekti jıynyn ótkizdi. Keńes jumysyna Ǵulamalar keńesiniń Almaty qalasyndaǵy músheleri qatysty.
Bas múftı dinı saladaǵy ózekti taqyryptar men pátýa shyǵarýdy qajet etetin máselelerge belsendi atsalysyp, Qazaqstan musylmandary dinı basqarmasynyń utanymyn bildiretin qujattardy ázirleý isine úles qosyp kele jatqan ǵalymdarǵa aıryqsha alǵysyn bildirdi.
«Allaǵa shúkir, elimizde Ǵulamalar keńesiniń qoǵam aldyndaǵy mindeti men róli artyp keledi. Musylman jamaǵaty dinı máselede Dinı basqarmanyń pátýasyn basshylyqqa alýda. Bul – úlken jetistik ári birligimizdiń belgisi der edim. Bul – sizderdiń tabandy eńbekterińiz ben belsendi qyzmetterińizdiń jemisi.Sizderge taǵy da aıryqsha alǵysymdy bildirip, iltıpatymdy jetkizemin. Alla razy bolsyn!» dedi Bas múftı Naýryzbaı qajy Taǵanuly.
Keńes jumysynda Dinı basqarmaǵa kelip túsken birqatar suraqtar qaralyp, pátýa qabyldaýdy qajet etetin máseleler talqylandy.
