Bas múftı Aqtaýda stýdentterge dáris oqydy (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysyna jasaǵan resmı sapary barysynda Aqtaýdaǵy Shahmardan Esenov atyndaǵy Kaspıı memlekettik tehnologııalar men ınjınırıng ýnıversıtetinde bolyp, stýdentterge dáris oqydy.
Jastarǵa nasıhat aıtqan QMDB Tóraǵasy Naýryzbaı qajy Taǵanuly: «Jastar qaı kezde de qoǵamnyń negizgi qozǵaýshy kúshi bolǵan. Asyl dinimiz Islamda jastar jaıly aıryqsha aıtylǵan. Mysaly, Quran Kárimde «Olar ıman keltirgen jastar edi» dep sıpattalady. Sondyqtan sizder ustamdy, baısaldy bolýlaryńyz kerek.
Ustamdylyq pen danalyq bilim arqyly keledi. Bilim – Allanyń úlken nyǵmeti. Sondyqtan jastyq shaqta barynsha bilim alýǵa umtylyńyzdar. Sizderge aıtar aǵalyq keńesim: eń bastysy, táýelsizdigimizdiń qadirin bilip, qoǵamǵa paıdaly tulǵa bolyńyzdar. Jazýshy Sherhan Murtaza aıtqandaı, áýeli halyqtyń paıdasyn oıla, seniń paıdań sonyń ishinde. Alla Taǵala barshańyzǵa jar bolyp, eki dúnıe baqytyn násip etsin!» dedi.
Erkin formatta ótken kezdesý sońynda stýdentter kókeıinde júrgen saýaldaryn Bas múftıge qoıyp, tushymdy jaýap aldy.
