Bas múftı Aýǵanstan elshiliginiń senimdi ókilimen suhbattasty (FOTO)
Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Aýǵanstan Islam Respýblıkasy Elshiliginiń ýaqytsha senimdi ókili Omar Azızýllamen kezdesti. Kezdesýge naıb múftı Ershat qajy Aǵybaıuly, QMDB Apparat basshysy Ǵylymbek Jádigeruly qatysty.
Basqosýda eki eldiń túrli saladaǵy baılanysy men yntymaqtastyqty arttyrý baǵytyndaǵy ıgi bastamalar sóz boldy. Sonymen qatar adamzat balasynyń ómirine qaýip tóndirip otyrǵan terrorızm men Ekstremızmdi aldyn alý máseleleri talqylandy.
Kezdesý barysynda Bas múftı Qazaqstan musylmandary dinı basqarmasynyń el ıgiligi jolyndaǵy jumystary jaıly baıandady.
Aýǵanstan Islam Respýblıkasy Elshiliginiń ýaqytsha senimdi ókili Omar Azızýlla óz kezeginde Bas múftı bastamalaryna izgi tilegin jetkizip, yntymaqtastyqty arttyrýǵa nıet bildirdi.
