BAS MÚFTI ÁZERBAIJANDA QURMANǴAZY ATYNDAǴY ORTALYQTY ARALADY (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Ázerbaıjan Respýblıkasyna barǵan resmı sapary aıasynda Qurmanǵazy atyndaǵy Balalar shyǵarmashylyǵy ortalyǵyn aralady.
Fızýlı qalasyndaǵy bul óner ordasyn ózara yntymaqtastyq pen yqpaldastyqtyń sımvoly retinde Qazaqstan salyp bergen bolatyn.
Eske salsaq, keshe Bakýde «Beıbitshilik pen jahandyq qaýipsizdik úshin dıalog: yntymaqtastyq jáne ózara is-qımyl» taqyrybynda VI álemdik mádenıetaralyq forým ótken bolatyn. Halyqaralyq jıyndy Ázerbaıjan Prezıdenti Ilham Álıev ashyp, shetelden kelgen din qaıratkerleri men halyqaralyq uıymdardyń jetekshilerine alǵys aıtqan edi. Irgeli is-shara búgin Shýsha qalasynda jalǵaspaq.
