Bas múftı baǵdarlamalyq baıandamasyn joldady (FOTO)
Búgin elordada bastalǵan Qazaqstan musylmandary dinı basqarmasynyń keńeıtilgen Tóralqa májilisinde Bas múftı Naýryzbaı qajy Taǵanuly elimizdegi ımam-moldalarǵa baǵdarlamalyq baıandamasyn joldady.
Tóralqa májilisinde baıandama jasaǵan Bas múftı basty jeti máselege aıryqsha toqtalyp, Dinı basqarma jańa 2021 jyly osy jeti baǵyt boıynsha atqarylatyn jumystarǵa basymdyq beretinin málimdedi.
«Qazaqstan musylmandary dinı basqarmasy 2021 jyly aqparat jáne qoǵammen baılanys, ýaǵyz-nasıhat, qaıyrymdylyq, oqý-aǵartý jáne kadrlyq áleýet, rýhanı tárbıe – Ihsan ilimi, din men dástúr, jat dinı aǵymdarmen jumys boıynsha atqarylatyn jumystarǵa basymdyq beretin bolady. Osy jeti baǵyt boıynsha jasalǵan jumystyń aı saıynǵy esebi tyńdalady», – dep atap ótti Bas múftı.
Aıta ketsek, keshe Naýryzbaı qajy Taǵanulynyń tóraǵalyǵymen ótken QMDB-nyń kezekti Apparat jınalysynda atalǵan jeti baǵyt boıynsha jańa 2021 jylǵa arnalǵan jumys jospary bekitildi.
