Bas múftı balalar kúnine oraı sport alańyn ashty (FOTO)
1 maýsym – Halyqaralyq balalardy qorǵaý kúnine oraı Shymkenttegi Ortalyq meshit janynan sport alańqaıy ashyldy.
Jańa keshenniń ashylý sharasyna QMDB Tóraǵasy Naýryzbaı qajy Taǵanuly qatysyp, balalardyń qýanyshyna ortaqtasty. Shymkent qalasynyń Abaı aýdanynda ashylǵan sport kesheninde balalar birneshe sport túrimen qatar aınalysa alady. Igi shara barysynda Bas múftı balalarǵa syı-sııapat tabystap, aq batasyn berdi.
Shahar ákimi Murat Áıtenovtyń tapsyrmasyna sáıkes, qala halqyn jáne jastaryn buqaralyq sportqa baýlý maqsatynda sport alańqaılaryn ornatý jumysy qolǵa alynǵan bolatyn.
Atalǵan tapsyrma aıasynda Abaı aýdany ákimi apparatynyń qoldaýy jáne «Shymkent – qaıyrymdy qala» qorynyń demeýshiligimen Abaı aýdany aýmaǵyndaǵy bos jatqan 4 jer telimine kópfýnktsııaly ashyq sport alańqaıy ornatylýda. Eń bastysy jastardyń jattyǵý jasap shynyǵýyna arnalǵan Workout ornatylady. Qazirgi tańda qurylys jumystary jumys kestesine sáıkes júrgizilýde.
Shara barysynda Bas múftı ıgi iske uıytqy bolǵan azamattardy alǵys hatpen marapattady.
