BAS MÚFTI BASPASÓZ MÁSLIHATYN ÓTKIZDI

Búgin Astanada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Qurban aıt merekesine baılanysty baspasóz máslıhatyn ótkizdi.
«Qurmetti otandastar! Sizderdi kele jatqan Qurban aıt merekesimen shyn júrekten quttyqtaımyn. Barshańyzǵa myqty densaýlyq, otbasylaryńyzǵa amandyq, bereke, birlik, tatýlyq, jumystaryńyzǵa sáttilik tileımin. Alla razylyǵy úshin shalǵan qurbandyqtarymyz ben ıgi amaldarymyz qabyl bolǵaı. Qazaqstan musylmandary dinı basqarmasy kórshi Ózbekstan, Qyrǵyzstan musylmandary dinı basqarmalarymen, birqatar musylman memleketterimen keńesip, Qurban aıt kúnin belgiledi. Sharıǵat úkimi men ǵylymı zertteý jumysynyń qorytyndysyna sáıkes, hıjrı jyl sanaýy boıynsha 1445 jyldyń zulhıjja aıynyń bastalýy 7 maýsym bolyp bekitildi. Arapa kúni 15 maýsymǵa sáıkes keledi. Al 16 maýsym – Qurban aıt merekesiniń birinshi kúni»  dedi Naýryzbaı qajy Taǵanuly.

​