Bas múftı belsendi jas ımamǵa páter kiltin tabystady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly «Zeket jáne qaıyrymdylyq» qorynyń «El úlesi – páterge» qaıyrymdylyq jobasy aıasynda 424-páter kiltin aýyl ımamyna tabystady.
Bul jolǵy páter Shyǵys Qazaqstan oblysy Tarbaǵataı aýdany Aqjar eldimekenindegi «Baıjigit baba» meshitiniń naıb ımamy Musa Jálelge berildi.
Saltanatty jıynda Bas múftı Naýryzbaı qajy Taǵanuly: «Dinı basqarma jas dinı mamandarǵa qoldaý kórsetip keledi. Aqjar aýylynda Qaıyrymdylyq mekemeniń ashylýyna bastamashyl bolǵan Musa Jálel – belsendi jas ımamnyń biri. «Jas kelse – iske» degen qanatty sóz bar. Mine, búginde jas ımamdarymyz oblystyq, respýblıkalyq deńgeıdegi izgi is-sharalarǵa uıytqy bolýda. Osyndaı belsendi ımamdarǵa qoldaý kórsetip, olardyń áleýmettik máselesin sheshýge atsalysqan barsha jomart jandarǵa aıryqsha alǵysymdy jetkizemin. Alla razy bolsyn!» dedi.
