Bas múftı daıyndyq kýrsy shákirtterimen kezdesti (FOTO)
QMDB Tóraǵasy, Bas múftı Naýryzbaı qajy Taǵanuly Almaty aımaǵyna jumys saparynda Talǵar aýdanynda ornalasqan Nur-Múbarak ýnıversıtetiniń daıyndyq kýrsy shákirttermen kezdesti.
Kezdesý barysynda Bas múftı daıyndyq kýrsynyń jaǵdaıymen tanysyp, shákirttermen suhbattasty. QMDB Tóraǵasy olardy bilim jolynda talmaı izdenýge shaqyryp, ýnıversıtetke joldama alýyna tilektestik bildirdi.
Aıta keteıik, búginde «Nur-Múbarak» ýnıversıtetinde 6 daıyndyq kýrsy jumys isteıdi. Sonyń biri – 2010 jyly Almaty oblysy Talǵar aýdany Keńdala aýylynda ashylǵan osy daıyndyq kýrsy.
Munda shákirtterge bilim alýǵa tolyq jaǵdaı jasalǵan. Shákirtter aqıda, fıqh, Quran tájýıdi, arab tili jáne Paıǵambar (oǵan Allanyń salaýaty men sálemi bolsyn) ómirinen dáris tyńdaıdy. Daıyndyq kýrsynyń túlekteri «Nur-Múbarak» ýnıversıtetine joldama alady.
