Bas múftı: Dinı basqarma 30 jylda rýhanı ortalyqqa aınaldy (FOTO)
Elordada «Islam – mádenıet pen izgiliktiń bastaýy» taqyrybynda ótip jatqan ımamdardyń IV respýblıkalyq onlaın-forýmynda negizgi baıandama jasaǵan QMDB Tóraǵasy Naýryzbaı qajy Taǵanuly osylaı dedi.
«2020 jyldyń 12 qańtarynda Qazaqstan musylmandary dinı basqarmasynyń qurylǵanyna 30 jyl toldy. Bul – elimizdegi barsha ısi musylmannyń ortaq mereıtoıy. Qudaıǵa shúkir, shırek ǵasyrdan astam shejiresi bar Dinı basqarma sanaýly jyldar ishinde musylman jamaǵatynyń rýhanı ómirinde mańyzdy oryn alatyn ortalyqqa aınaldy.
Búginde qoǵamda dinı salaǵa qatysty tereń máseleler men ózekti suraqtar boıynsha múftııattyń pátýasy men sheshimi mańyzdy rólge ıe. Halyqqa aıtylyp jatqan nasıhat jumystarynyń sapasy artty. Din men dástúr sabaqtastyǵy jan-jaqty dáriptelýde. Dinı ońaltý jumystaryna serpin berildi. Qaıyrymdylyq sharalary jańasha sıpat aldy» dep atap ótti Bas múftı Naýryzbaı qajy Taǵanuly.
