Bas múftı Dúnıejúzilik Islam Lıgasynyń ókilimen suhbattasty (FOTO)
Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Dúnıejúzilik Islam Lıgasy Bas hatshysynyń keńesshisi Abdel Azız ben Ahmad Sarhan myrzamen kezdesti.
Kezdesýde ekijaqty yntymaqtastyqty arttyrý máseleleri sóz boldy. Taraptar álemdik syn-qaterlerge ún qatýdyń mańyzyn talqylap, musylman úmbetiniń aýyzbirshiligin nyǵaıtý jóninde pikir almasty.
Mártebeli meıman Qazaqstan Respýbılıkasynyń Tuńǵysh Prezıdenti Nursultan Nazarbaevtyń álemdik dástúrli din ókilderin birlikke úndeý týraly bastamasy jaıly pikirin bildirip, adamdar arasyndaǵy tatýlyq pen dostyqty arttyrý ózekti máseleniń biri ekenin atap ótti.
Kezdesý sońynda taraptar ekijaqty yntymaqtastyqty arttyrýǵa ýaǵdalasty.
