Bas múftı elshi keńesshisine aıryqsha alǵys bildirdi (FOTO)
Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkııa elshisiniń dinı ister jónindegi keńesshisi Galıb Akynmen kezdesti.
Bas múftı qyzmettik mindetin aıaqtaǵan Galıb Akynǵa alǵys bildirip, iltıpatyn jetkizdi.
«Siz baýyrlas elder – Qazaqstan men Túrkııa arasyndaǵy baılanysty arttyrýǵa erekshe úles qostyńyz. Sonyń ishinde Qazaqstan musylmandary dinı basqarmasynyń jumysyna qamqorlyq tanytyp, kóptegen ıgi jobalardyń júzege asýyna tikeleı qoldaý kórsettińiz. Sizdiń qamqorlyǵyńyzben kóptegen dinı kitap jamaǵatqa tegin taratyldy, ımamdarymyz Túrkııada bilimin jetildirdi. Osy rette Túrkııa Din isteri basqarmasynyń tóraǵasy Álı Erbash myrzaǵa, sizge aıryqsha alǵysym men rııasyz rızashylyq nıetimdi jetkizemin. Sanaýly merzim ishinde jasaǵan izgi isińizge Alla mol saýaptan jazsyn!» dedi Bas múftı Naýryzbaı qajy Taǵanuly.
Óz kezeginde Galıb Akyn: «Qyzmet barysynda ózińiz bastaǵan Qazaqstan musylmandary dinı basqarmasynyń jumysy men ıgi bastamalaryna barynsha qoldaý kórsetýge tyrystyq. Allaǵa shúkir, múftııattyń áleýeti jyl saıyn artyp keledi. Bizdiń sizderge kórsetken kómegimiz – baýyrlastyq mindetimiz. Izgi isterińizge Jaratqannyń ózi jar bolsyn!» degen tilegin bildirdi.
Kezdesýde Bas múftı mártebeli meımanǵa qurmet kórsetip, qazaqy saltpen ıyǵyna shapan japty, sonymen qatar «Qazaqstan musylmandary dinı basqarmasyna 30 jyl» merekelik medalymen marapattady.
