Bas múftı elshimen birqatar máseleni talqylady (FOTO)
Búgin elordada Bas múftı Naýryzbaı qajy Taǵanuly Qazaqstan Respýblıkasynyń Saýd Arabııa Koroldigindegi Elshisi Berik Arynmen kezdesti. Kezdesýge naıb múftı Ershat Ońǵar qatysty.
Basqosýda Berik Saqbaıuly álemdegi pandemııalyq jaǵdaıǵa baılanysty Saýd Arabııa Koroldigi Qajylyq mınıstrliginiń qabyldaǵan sheshimderi men qaýlylary týraly Bas múftıdi habardar etti. Sonymen qatar pandemııalyq jaǵdaı kezinde qajylyq saparyn uıymdastyrýǵa qatysty birqatar tártip pen talapty atap ótti.
Ekijaqty kezdesýde Álemdik jáne dástúrli din kóshbasshylary sezinde qabyldanǵan qararlar men ıgi bastamalardyń mańyzy talqylandy. Sondaı-aq Bas múftıdiń qajylyq máselesi boıynsha Saýd Arabııa Koroldiginde ótetin ekijaqty resmı kezdesýi, kelisim aıasynda qabyldanatan qujattardyń mazmuny pysyqtaldy.
Qazaqstan musylmandary dinı basqarmasynyń tóraǵasy Naýryzbaı qajy Taǵanuly elimizdegi musylman jamaǵatynyń qajylyq saparyn uıymdastyrý boıynsha Dinı basqarma janyndaǵy Qajylyq mıssııasynyń uıymdastyrý-úılestirý is-sharalaryna elshilik tarapynan qoldaý kórsetiletinine senim bildirdi. Óz kezeginde Berik Saqbaıuly elshilik tarapynan Dinı basqarmanyń ıgi bastamalaryna qoldaý kórsetý jumystary jalǵasa beretinin aıryqsha atap ótti.
