Bas múftı Flynas áýe kompanııasy basshylyǵymen kelissózder júrgizdi (FOTO)

QMDB Tóraǵasy, Bas múftı Naýryzbaı qajy Taǵanuly bastaǵan jumys toby Jıddadaǵy Bas konsýl Talǵat Shaldanbaıdyń qatysýymen FLYNAS áýe kompanııasy basshylyǵymen júzdesti.

Saýd Arabııalyq kompanııanyń ókili Halıd Abdýllah ál-Hýdjaırımen kezdesý barysynda Bas múftı eldegi qajylardyń atynan kelip otyrǵanyn málim etti. Ózara suhbat kezinde Dinı basqarma Tóraǵasy Qazaqstan qajylary úshin múmkindiginshe jeńildik surap, qazirgi Ekonomıkalyq jaǵdaıǵa baılanysty osy ótinishin nazarǵa alsa dedi.

Óz sózinde Halıd Abdýllah qajylyq maýsymynda FLYNAS áýe kompanııasy 20 elge qyzmet kórsetetinin, onyń ishinde qyrǵyz eli de osy kompanııamen kelisimge kelgenin aıtty.

Kelissózder júrgizý barysynda qazirgi tańda Saýd Arabııasynda qosymsha qun salyǵynyń 15 paıyzǵa, áýe janar-jaǵarmaıynyń 40%-ke óskeni aıtyldy. Sondyqtan baǵany tómen túsirý olar úshin de tıimsiz ekenin tilge tıek etti.

Óz kezeginde Bas múftı eń aldymen qazaqstandyq qajylarǵa qolaıly jaǵdaı jasaǵan jáne básekelestikti qamtamasyz etýde tıimdi baǵa usynǵan basqa da saýdııalyq kompanııalarmen kelissózder júrip jatqanyn jetkizdi. Osy oraıda qajylar úshin qaı áýe kompanııasy tıimdi baǵa usynsa sonymen ushý kózdeledi.

Aıta keteıik, FLYNAS áýe kompanııasymen QMDB arasyndaǵy kelissózder taǵy da jalǵasady.