Bas múftı ǵalymdarǵa ıhsan týraly kitapty syıǵa tartty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysyna barǵan resmı saparynda belgili ǵalym, fılosofııa ǵylymdarynyń doktory Dosaı Kenjetaı men dintanýshy-ǵalym, PhD doktory, QMDB Ǵulamalar keńesiniń múshesi Muhan Isahanǵa jýyrda shyqqan «Ihsan – rýhanı tárbıe negizi» atty kitapty syıǵa tartty.
Ǵalymdar Bas múftıge alǵysyn jetkizip, jańa kitap jastardyń jan azyǵyna, elimizdegi musylman qaýymynyń rýhanı shamshyraǵyna aınalýyna tileýlestik nıetin bildirdi.
«Qoja Ahmet Iasaýı babamyzdyń kesenesi aldynda bul eńbekti ózderińizge tartý etýimniń ózindik máni bar. Izgilik pen ımandylyqty nasıhattaýǵa súbeli úles qosqan Iasaýı babamyz ıhsan ilimin dáripteý jolynda da kóp eńbek etti» dedi Naýryzbaı qajy Taǵanuly.
Aıta ketsek, Bas múftı bastamasymen shyqqan «Ihsan – rýhanı tárbıe negizi» kitabynda «Jaratýshy Allaǵa ıhsan», «Tulǵalyq ıhsan», «Ihsan jáne qoǵam» syndy taraýlar qamtylyp, Islam ǵulamalarynyń ıhsan ilimi jaıly oı-tolǵamdary berilgen.
