Bas múftı Ǵulamalar keńesiniń kezekten tys XXVII májilisine qatysty (foto)
Almatyda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń qatysýymen Ǵulamalar Keńesiniń kezekten tys XXVII májilisi ótti.
Jıynda QMDB 2020-2025 jyldarǵa arnalǵan damý strategııasy qujaty, «Din qyzmetkeriniń kıim kııý tártibi, sóıleý mádenıeti jáne BAQ Etıkasy», «Dem salý» erejesi syndy mańyzdy qujattar talqylandy.
«Ózderińizge belgili Ǵulamalar Keńesi sharıǵatymyzdyń negizine súıene otyryp, qoǵamdaǵy musylman qaýymy arasynda týyndap otyrǵan kókeıkesti, túıtkildi máselelerdi talqylap, der kezinde sheshimder shyǵaryp, pátýalar men kontseptýaldy qujattar qabyldaıdy» - dedi keńes otyrysynda Bas múftı.
Otyrysta keńes músheleri 3 kontseptýaldy qujatty talqylap bekitti.
