Bas múftı ımamdarǵa sertıfıkat tabystady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna jasaǵan is-saparynda «Jat aǵymnyń aldyn alý jáne onyń ádistemesi» taqyrybynda ótken 4 kúndik semınarǵa qatysqan óńir ımamdaryna sertıfıkat tabystady.
Sertıfıkatty tabystaý rásiminde Bas múftı: «Alla Taǵala alǵan bilimderińizdi elimizdiń ıgiligi men birligi, asyl dinimizdi nasıhattaý jolynda jumsaýdy násip etsin. Keıbir jastarymyz Islam týraly tolyqqandy aqparat almaǵandyqtan, bilmestikpen dástúrli emes dinı aǵymdardyń arbaýyna ilinip qalýda. Biz olardy jat aǵymnyń yqpalynan arashalap alýǵa bar kúshimizdi sarp etýimiz kerek» dedi.
Aıta ketsek, Bas múftı bastamasymen Atyraý oblysyna barǵan elimizge belgili ustazdar men ǵalymdar óńir ımamdaryna «Jat aǵymnyń aldyn alý jáne onyń ádistemesi» taqyrybynda 4 kúndik semınar ótkizdi.
