Bas múftı Kaırde bastalǵan halyqaralyq konferentsııaǵa qatysty (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasynyń astanasy Kaır qalasynda bastalǵan "Dinder men mádenıetter arasyndaǵy dıalog" atty Islam isteri jónindegi Joǵary keńestiń 31-inshi halyqaralyq konferentsııasyna qatysty.
Halyqaralyq jıyn qasıetti Quran aıatymen ashyldy. Mysyr Arab Respýblıkasynyń Ýaqyp mınıstri Muhtar Juma dinder men mádenıetter arasyndaǵy suhbattyń mańyzy jaıly baıandama jasap, din qaıratkerlerine ıgi tilegin jetkizdi.
Bas múftı Naýryzbaı qajy Taǵanuly konferentsııa aıasynda Ýaqyp mınıstri Muhtar Jumamen, Mysyr múftıi Shaýqı Allammen jáne Qazaqstannyń Mysyr Arab Respýblıkasyndaǵy Tótenshe jáne Ókiletti elshisi Qaırat Lama Sharıfpen suhbattasty.
Aıta ketsek, Islam isteri jónindegi Joǵary keńestiń 31-inshi halyqaralyq konferentsııasyna 100-den astam musylman memleketteriniń múftıleri men ǵalymdary qatysýda.
Qazaqstandyq delegatsııa quramynda QMDB Apparat basshysy Ǵylymbek Májıev, Ýaǵyz-nasıhat bóliminiń meńgerýshisi Batyrjan Berdenuly, Dinı bilim jáne kadr daıarlaý bóliminiń meńgerýshisi Smaıyl Seıitbekov, Aqparat jáne qoǵammen baılanys bóliminiń meńgerýshisi Marat Bektazınov, Nur-Múbárak ýnıversıtetiniń prorektory Qaırat Qurmanbaev, Nur-Astana meshitiniń bas ımamy Nurlan Ramazanov bar.
