Bas múftı Kaırde sultan Beıbarys rýhyna Quran baǵyshtady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasyna jasaǵan resmı sapary barysynda Kaırde ornalasqan eń kóne, tarıhı Sultan Beıbarys meshitinde bolyp, Islam órkenıetine erekshe úles qosqan baba rýhyna qasıetti Quran aıatyn baǵyshtap, duǵa jasady.
Bas múftı tarıhı meshitti aralap, qurylys jobasymen tanysty.
Aıta ketsek, búginde Qazaqstan jáne Mysyr arsyndaǵy ekijaqty kelisim aıasynda Sultan Beıbarys meshitin qaıta qalpyna keltirý jumystary júrýde. Qurylys jumysy jyl sońynda aıaqtalmaq. Meshit aýmaǵy – 11 myń sharshy metr. Onda bir mezette 7 myń adam qulshylyǵyn óteı alady.
