Bas múftı Kaırde ýaqyp mınıstrimen kezdesti (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Kaırde Mysyr Arab Respýblıkasynyń Ýaqyp mınıstri Muhtar Jumamen kezdesti.
Kezdesýde Bas múftı Dinı basqarma janynan ashylǵan «Talaba» qaýymdastyǵynyń Mysyrdaǵy ókildik jumysyn jandandyrý maqsatynda Kaır qalasynan arnaıy keńse ashýdy usyndy. QMDB tóraǵasy mınıstrge Mysyrda oqyp jatqan qazaqstandyq stýdentterge Dinı basqarma tarapynan arnaıy jaýapty ókil taǵaıyndalǵanyn jetkizip, osy bastamaǵa qoldaý kórsetý qajettigine aıryqsha toqtaldy. Mınıstr Muhtar Juma bul bastamaǵa qoldaý kórsetetinin málimdedi.
Basqosý barysynda Bas múftı Naýryzbaı qajy Taǵanuly: «Qazaqstan jáne Mysyr halqynyń arasynda ǵasyrdan ǵasyrǵa jalǵasyp kele jatqan tarıhı, baýyrlastyq baılanys bar. Baýyrlastyq baılanystyń nátıjesinde Qazaqstan Respýblıkasynda Nur-Múbárak Egıpet Islam mádenıeti ýnıversıteti salyndy. Ýnıversıtet ustazdary din kadryn daıyndaýda úlken eńbek sińirip keledi. Bizdiń elde stýdentterge dáris berip jatqan barsha mysyrlyq ustazdarǵa erekshe alǵys aıtamyn. Alla razy bolsyn!» – dedi.
Kezdesýde taraptar birlesken jobalardy júzege asyrýǵa, kitap shyǵarýǵa ýaǵdalasty. Bas múftı mınıstrge izgi tilegin bildirip, «Qazaqstan musylmandary dinı basqarmasyna 30 jyl» merekelik medalmen marapattady.
