Bas múftı halyqaralyq konferentsııada baıandama jasady (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qyrǵyzstan Respýblıkasynyń Osh qalasynda ótken «Islam – tynyshtyq tiregi» atty halyqaralyq ǵylymı-praktıkalyq konferentsııaǵa qatysyp, baıandama jasady.

Osh memlekettik ýnıversıtetinde ótken jıynda Bas múftı Naýryzbaı qajy Taǵanuly: «Qazaq halqynda «Dosty tańdaısyń, al kórshini Qudaı qosady» degen sóz bar. Sonymen qatar halqymyz «Kórshini Qudaı, dosty paıǵambar qosady» deıdi. Allaǵa shúkir, qyrǵyz halqy Qudaıdyń qazaq halqyna bergen kórshisi ári baýyry. Alla Taǵala qasıetti Quranda adamzat balasyna: «Izgi isterge, taqýalyqqa kómektesińder. Kúná jasaýǵa, dushpandyqqa járdemshi bolmańdar...» («Máıda» súresi, 2-aıat) dep buıyrǵan. Osy rette barsha áriptesimdi ózara birligimizdi kúsheıtip, jaqsy iste bir-birimizge kómekshi bolýǵa shaqyramyn», – dedi.

Aıta ketsek, halyqaralyq konferentsııaǵa Ortalyq Azııa memleketteriniń din qaıratkerleri men ǵalymdary qatysty. 

​