Bas múftı koronavırýsqa qarsy ekpe saldyrdy (FOTO)
QMDB Tóraǵasy, Bas múftı Naýryzbaı qajy Taǵanuly COVID-19 indetine qarsy ekpe aldy. Otandyq QazVac vaktsınasyn saldyrǵan Bas múftı ekpeden soń ózin jaqsy sezingenin málimdedi.
«Alla Elshisi (oǵan Allanyń salaýaty men sálemi bolsyn) «Emdelińder, rasynda Alla árbir dertti shıpasymen qosa jaratty. Bir derttiń ǵana daýasy joq, ol – kárilik», – degen. Bul hadıs árbir derttiń emi bar ekenin bildiredi. Al sharıǵat boıynsha zárý jaǵdaıda ekpe salýǵa bolady. Alaıda ekpe saldyrý – ár azamattyń óz erki. Búgin mine alǵashqy dozasyn aldym, endi 21 kúnnen soń ekinshi komponentin qabyldaımyn. Dárigerlerge alǵysym sheksiz, vaktsınany salǵanyn tipti sezbeı qaldym. Ózderińiz bilesizder, ár aımaqta bizdiń ımamdar ekpe alýdy bastap ketken bolatyn. Dinı basqarmanyń da biraz qyzmetkerleri indetke qarsy ekpe saldyryp jatyr. Mamandardyń sózine qulaq asyp, densaýlyq úshin mańyzdy degen soń osyndaı qadamǵa baryp otyrmyz» dedi Naýryzbaı qajy Taǵanuly.
Aıta ketsek, elordadaǵy №9 qalalyq emhanasynda Bas múftımen birge QMDB ujymy, onyń ishinde Apparat basshysy Ǵylymbek Jádigeruly, Dinı bilim jáne kadr daıarlaý bóliminiń meńgerýshisi Smaıyl Seıtbekov, Aqparat jáne qoǵammen baılanys bóliminiń meńgerýshisi Marat Bektazınov vaktsınanyń alǵashqy komponentin qabyldady.
