Bas múftı Maǵjan Jumabaevtyń rýhyna Quran baǵyshtady (FOTO)
Bas múftı Naýryzbaı qajy Taǵanuly Soltústik Qazaqstan oblysyna barǵan jumys saparynda Maǵjan Jumabaev aýdanynda bolyp, aqyn rýhyna qasıetti Quran aıattaryn baǵyshtady.
«Ýa, Alla Taǵala! Sen asa Meıirimdisiń! Halqymyzdyń bolashaǵy jolynda qurban bolǵan Maǵjan atamyzdy, onyń otbasy men týystaryn raqymyńa bólegeısiń. Halqymyzǵa amandyq, jurtymyzǵa tynyshtyq násip ete gór. Táýelsizdigimizdi baıandy etkeısiń. Ámın» dep duǵa etti Bas múftı.
Maǵjan Jumabaev – ult bolashaǵy úshin kúresken Alash qaıratkeri. Rýhty jyrlarymen halyqty jigerlendirip, eldi tatýlyqqa shaqyrdy. Alaıda solaqaı saıasattyń qurbany boldy. Ol qazaqtyń birligi men Alashtyń azattyǵy úshin kúresken tanymal tulǵa. Alla raqymyna bólegeı!
