Bas múftı oblys ákimimen óńirdegi dinı ahýaldy talqylady (FOTO)
Búgin Bas múftı Naýryzbaı qajy Taǵanuly Shyǵys Qazaqstan oblysynyń ákimi Danıal Ahmetovpen kezdesti. Kezdesýge QMDB Óskemen aımaǵynyń bas ımamy Ermek Muqataı qatysty.
Kezdesýde óńirdegi dinı ahýal talqylanyp, ımamdardy áleýmettik qoldaýdyń mańyzy sóz boldy. Sonymen qatar destrýktıvti dinı aǵymnyń arbaýyna ilikken jastarǵa belsendi túrde aqparattyq túsindirme jumystaryn júrgizý qajettigi talqylandy.
Bas múftı Naýryzbaı qajy Taǵanuly din qyzmetkerleriniń ıgi bastamalary men áleýmettik jaǵdaıyna qoldaý kórsetip kele jatqan óńir basshysy Danıal Kenjetaıulyna alǵysyn bildirip, jýyrda shyqqan «Tápsirlerdiń tańdaýlysy» kitabyn syılady.
Basqosýda QMDB Tóraǵasy jastarǵa Quran aıattaryn durys tápsirleýdiń mańyzyna toqtalyp, Dinı basqarmanyń bastamasymen júzege asyp kele jatqan as berý, zırat kóterý mádenıetin qalyptastyrýdyń ózektiligin jetkizdi.
Kezdesý sońynda taraptar el ıgiligi úshin ortaq jobalardy birlese júzege asyrýǵa ýaǵdalasty.
