Bas múftı oblys ımamdaryn belsendi qyzmet etýge shaqyrdy (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Shyǵys Qazaqstan oblysyna barǵan resmı sapary barysynda Óskemen qalasyndaǵy «Halıfa Altaı» meshitinde óńir ımamdarymen kezdesti.
Basqosýda Bas múftı Naýryzbaı qajy Taǵanuly:
«Ózderińiz jaqsy bilesizder, búginde Qazaqstan musylmandary dinı basqarmasy kúndelikti qyzmet barysynda jeti baǵytqa basymdyq berip keledi. Atap aıtqanda, aqparat jáne qoǵammen baılanys, ýaǵyz-nasıhat, qaıyrymdylyq, oqý-aǵartý jáne kadrlyq áleýet, rýhanı tárbıe, ıhsan ilimi, din men dástúr, jat dinı aǵymdarmen jumys boıynsha belsendi qyzmet etýge shaqyramyn. Eń bastysy asyl dinimizdiń qundylyqtaryn nasıhattap, halyqtyń rýhanı suranysyn qanaǵattandyrýymyz qajet» dedi QMDB Tóraǵasy Naýryzbaı qajy Taǵanuly.
Kezdesý kezinde Bas múftı Dinı basqarmanyń bastamalary jaıly áńgimelep, dinı qyzmetti jandandyrý máselesi tóńireginde sóz qozǵady.
