Bas múftı Óskemende «Zere ana» ortalyǵynyń jumysymen tanysty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Óskemen aımaǵyna jasaǵan sapary barysynda Shyǵys Qazaqstan oblystyq «Halıfa Altaı» meshitiniń «Zere ana» ortalyǵy jumysymen tanysty.
QMDB Áıel-qyzdar sektorynyń Óskemen aımaǵyndaǵy ókildiginiń bastamasymen jabdyqtalǵan bul ortalyqta ana men balanyń paıdaly ispen aınalysýyna, bilim jetildirýine, túrli qolóner buıymdaryn jasaýyna barlyq jaǵdaı qarastyrylyǵan.
Saltanatty rásimde Bas múftı Naýryzbaı qajy Taǵanuly: «Meshit janynan ana men balaǵa arnalǵan ortalyqtyń ashylýy úlken bastama ári ıgi is boldy. Dinimiz analarǵa, balalarǵa aıryqsha qamqor bolýdy buıyrǵan. Meshitte analar ózara bas qosyp, túrli ispen aınalysyp, bala tárbıesine den qoısa, ol otbasyǵa bereke ornaıdy» dep atap ótti.
Ortalyqta tárbıelenip jatqan balalar Bas múftıge Abaı Qunanbaıulynyń óleńderin jatqa oqyp, ónerlerin pash etti. Naýryzbaı qajy Taǵanuly búldirshinderge syı-sııapat jasady.
Aıta ketsek, meshit janyndaǵy «Zere ana» ortalyǵy dinı bilim berý, ulttyq qolónerdi damytý, analardyń ózara yntymaǵyn arttyrý, dástúrli otbasylyq qundylyqtardy nasıhattaý isimen aınalyspaq.
