Bas múftı professormen pikirlesti (FOTO)

Elordada Qazaqstan musylmandary dinı basqarmasynyń Bas keńsesinde Bas múftı Serikbaı qajy Oraz QR dıplomatııasyna eńbegi sińgen qaıratker, Ekonomıka ǵylymdarynyń doktory, Eýrazııa ulttyq ýnıversıtetiniń professory Saılaý Batyrshaulymen kezdesti.

Basqosýda qazaq dıplomatııasynyń tarıhy men shet eldermen qarym-qatynastyń táýelsizdik jyldaryndaǵy aıaq alysy, Almatydaǵy Nur-Múbárak ýnıversıtetiniń ashylý tarıhy, jastardyń rýhanı ómiri men búgingi bolmysy sóz boldy.

Bas múftı professorǵa Qazaqstan musylmandary dinı basqarmasynyń búgingi tynysy men tirshiligi, rýhanı saladaǵy ıgi jobalary jaıly áńgimelep berdi. Sonymen qatar, 2020 jyly múftııattyń ashylǵanyna 30 jyl tolýyna oraı júzege asatyn aýqymdy sharalar jaıly sóz boldy.

Qazaq dıplomatııasyna eńbegi sińgen qaıratker QMDB-nyń bastamalary men ıgi isterine tileýlestik bildirip, avtorlyq eńbegin Serikbaı qajy Orazǵa syıǵa tartty.