Bas múftı qarashańyraq – QAZUÝ stýdentterine dáris oqydy (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanulynyń arnaıy shaqyrýymen osy oqý ordasynda ótken aýyzashar dastarhanynda bolyp, stýdentterge dáris oqydy.

Aýyzasharǵa QazUÝ rektory Ǵ.Mutanov, «Nur Múbárak» ýnıversıtetiniń rektory, doktor Muhammed Shahat ál-Jındı, QMDB Dinı ister bóliminiń meńgerýshisi Nurbek Esmaǵanbet qatysty.

Berekeli basqosýda alǵashqy sóz alǵan Bas múftı qasıetti ramazan aıynyń artyqshylyǵy men qundylyǵy jaıly aıta kele:

«Bizdiń ultymyz óskeleń urpaqtyń jadyna «obal bolady» nemese «saýap bolady» degen uǵymdy sińirgen. «Obal bolady» men «saýap boladynyń» túpki máni tereńde. Nan qıqymyn shashý – obal bolady. Bireýdiń ala jibin attaý – obal bolady. Ózgeniń haqysyn jeý – obal bolady. Qarııaǵa qurmet – saýap bolady. Jabyrqaǵan jannyń júregine úmit syılaý – saýap bolady. Mine, qarap otyrsańyz osynyń bári otbasydan bastalatyn tárbıe negizderi. Biz san ǵasyrdan beri jalǵasyp kele jatqan halqymyzdyń osyndaı qasıetti uǵymdaryn jastarymyzdyń sanasyna sińire berýimiz kerek», – dep atap ótti.

Kezdesý sońynda rektor Ǵalymqaıyr Mutanov óziniń shaqyrýyn qabyl alyp, arnaıy kelip, jastarǵa dáris oqyǵan Serikbaı qajy Satybaldyulyna alǵysyn jetkizdi.