Bas múftı «Qyzyljar» meshitinde juma ýaǵyzyn aıtty (FOTO)

Búgin Soltústik Qazaqstan oblysyna kelgen Bas múftı Naýryzbaı qajy Taǵanuly «Qyzyljar» ortalyq meshitinde jamaǵatqa juma ýaǵyzyn aıtty.

«Paıǵambarǵa mahabbat» taqyrybynda nasıhat aıtqan Bas múftı: «Biz Alla elshisine degen súıispenshiligimizdi oǵan kóp salaýat aıtýmen, ár isimizde onyń sózi men amalyn basshylyqqa alýmen, adamdarǵa meıirimdi, baýyrmal bolýmen dáleldeýimiz kerek. Alla Taǵala barshamyzǵa Ózine laıyqty qul, Paıǵambarǵa laıyqty úmbet bolýdy násip etsin» dedi.

QMDB Tóraǵasy juma namazynan keıin elimizdiń ıgiligi men berekesi úshin duǵa jasap, halqymyzǵa amandyq pen saýlyq tiledi.