Bas múftı radıkaldy raıynan qaıtqan azamatpen suhbattasty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna barǵan saparynda Qurmanǵazy aýdanynda bolyp, halyqpen kezdesti.
Sonymen qatar aýdandyq meshitte radıkaldy raıynan qaıtqan azamatpen suhbattasty. Kezdesýge Qurmanǵazy aýdanynyń ákimi Marat Bısenǵalıuly, Atyraý oblysynyń bas ımamy Altynbek Utyshanuly qatysty.
«Halqymyzda «Adasqannyń aıyby joq, qaıtyp úıirin tapqan soń» degen jaqsy sóz bar. Ardaqty Paıǵambarymyz Muhammed (oǵan Allanyń salaýaty men sálemi bolsyn) kópshilik jamaǵatpen birge bolýdy ósıet etken. Dinde búlik jasaýdyń jaýapkrshiligi aýyr bolatynyn jaqsy bilesiz. Sizge bizdiń ımamdarymyz moraldyq jáne materıaldyq turǵydan kómektesýge árqashan daıyn. Alla jar bolsyn», – dedi. Kezdesýde Bas múftı duǵa jasap, izgi tilegin bildirdi.
Basqosý barysynda radıkaldy raıynan qaıtqan azamat dinı ońaltý jumystary boıynsha belsendi kómek kórsetken aýdan ımamdaryna alǵysyn jetkizdi.
Aıta ketsek, Bas múftı bastaǵan ustazdar men ımamdar Atyraý oblysynda bir kúnde 1201 adammen kezdesip, turǵyndardyń suraqtaryna jaýap berdi.
