BAS MÚFTI RESEI FEDERATsIIaSY ELShISIMEN KEZDESTI (FOTO)

Búgin elorda Bas múftı Naýryzbaı qajy Taǵanuly Reseı Federatsııasynyń Qazaqstandaǵy Tótenshe jáne ókiletti elshisi Alekseı Borodavkınmen kezdesti.

Kezdesý barysynda Qazaqstan men Reseıdiń túrli salada onyń ishinde rýhanı, dinı baǵyttaǵy damý baılanystary sóz boldy.

QMDB Tóraǵasy óz sózinde eki el arasynda qalyptasqan dostyq qarym-qatynastardyń nyǵaıǵanyn aıtyp, dinı basqarmalar arasyndaǵy syılastyq jalǵasa beretinine senim bildirdi. «Reseı Federatsııasy Musylmandary Dinı Basqarmasynyń jáne Reseı Múftıler Keńesiniń tóraǵasy Ravıl Gaınýtdın myrzamen ekijaqty dostyq kelisimderdiń tereń sıpatta kórinis tabýy bizdi qýantady», - dedi Bas múftı.

Óz kezeginde Elshi Alekseı Borodavkın dinaralyq jemisti yntymaqtastyqty odan ári nyǵaıtýǵa kúsh salyp kele jatqan eńbegi úshin Bas múftıge rızashylyǵyn bildirip, eki el arasyndaǵy yntymaqtasty odan ári damytýǵa múddeli ekenin jetkizdi. Sondaı-aq mamyr aıynda Qazan qalasynda ótetin «Islam álemi» atty dástúrli sharaǵa shaqyrýmen kelgenin aıtty. Bas múftı Tatarstandaǵy aıtýly sharanyń mańyzyna toqtalyp, shaqyrtýdy qabyl aldy.

Sonymen qatar, taraptar ózge de ortaq jobalar jóninde pikirlesti.

​