Bas múftı rýhanı kelisim kúnine arnalǵan konferentsııaǵa qatysty (FOTO)

18 qazan 2021 2438 0
Оqý rejımi

Búgin QMDB tóraǵasy, Bas múftı Naýryzbaı qajy Taǵanuly 18 qazan – Rýhanı kelisim kúnine oraı Nur-Sultan qalasy ákimdiginiń uıymdastyrýymen ótken halyqaralyq konferentsııaǵa qatysty.

«Qazirgi zamannyń syn-qaterleri jaǵdaıynda konfessııaaralyq jáne ultaralyq kelisimdi nyǵaıtý» taqyrybynda ótken konferentsııada Bas múftı:

«Haq Elshisi (oǵan Allanyń salaýaty men sálemi bolsyn) beıbit jolmen qasıetti Mekke qalasyn alǵanda basqa senimdegi halyqtyń dinı rásimderine qurmetpen qaraǵan. Bul – kez-kelgen basshy men kez-kelgen salaǵa jaýapty adam úshin óshpes ónege, sarqylmas sabaq dep atar edik. Alla Elshisiniń ónegeli isi basqarý isindegi barlyq adamǵa úlgi bola bermek.

Elimizde Elbasy Nursultan Nazarbaevtyń bastamasymen 18-qazan «Rýhanı kelisim» kúni retinde bekitilip, osy dataǵa mańyz berilip jatqan jaıttyń da ózindik aıryqsha máni bar. Óıtkeni, rýhanı kelisimsiz keleshek joq.

Qazaqstannyń Tuńǵysh Prezıdenti – Elbasy Nursultan Nazarbaev bir sózinde:«Halyqtardy bir-birinen bóletin teńizder emes, nadandyq pen tilderdiń bólektigi de emes, arazdyq qana. Dostyq joq jerde arazdyqqa múmkindik mol bolmaq» degen edi.

Allaǵa shúkir, búginde Eýrazııa júreginde beıbit ǵumyr keship kele jatqan Qazaqstan tórtkúl dúnıege bitimger, araaǵaıyn, ymyrashyl irgeli el retinde tanyldy. Elimizdiń rýhanı birligin nyǵaıtýǵa Qazaqstan musylmandary dinı basqarmasy da súbeli úles qosyp keledi» dep atap ótti.

Konferentsııaǵa halyqaralyq sarapshylar men elimizdegi dinı uıymdardyń jetekshileri qatysqanyn aıta ketken jón.

Pіkіrler Kіrý