Bas múftı Saraıshyqta jańa meshittiń irgetasyn qalady (FOTO)
Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Atyraý oblysyna jasaǵan saparynda Mahambet aýdanyndaǵy Saraıshyq aýylynda jańa meshittiń irgetasyn qalady.
Saltanatty jıynda Bas múftı: «Halqymyzda: «Azany bar aýyl azbaıdy» degen jaqsy sóz bar. Meshit – tek qulshylyq úıi emes, kúlli jaqsylyqtardyń toǵysqan meıirimdilik mekeni. Irgetasy qalanǵan jańa meshit Saraıshyq aýylynyń rýhanı ordasyna aınalady dep senemin. Kıeli óńirge kelýshiler de osy meshitten rýhanı qýat alyp ketedi degen nıettemiz. Alla Taǵala elimiz ben jerimizge ıgiligi men jaqsylyǵyn násip etsin», – dedi.
Aıta ketsek, irgetasy qalanǵan jańa meshitte bir mezette 300 adam qulshylyǵyn óteı alady. Meshit qurylysy kelesi jyly aıaqtalmaq.
