BAS MÚFTI SAÝD ARABIIaSYNYŃ QAJYLYQ JÁNE UMRA MINISTRIMEN KEZDESTI (FOTO)
Almaty qalasynda Qazaqstan musylmandary dinı basqarmasynyń tóraǵasy, Bas múftı Naýryzbaı qajyTaǵanuly Saýd Arabııasy koroldiginiń Qajylyq jáne umra mınıstri Taýfık ıbn Faýzan ar-Rabıamen kezdesti.
Kezdesýde qajylyq pen umra saparyn sapaly uıymdastyrý máseleleri sóz boldy. Naýryzbaı qajy Taǵanuly qazaqstandyq qajylarǵa qolaıly jaǵdaı jasaý boıynsha mınıstrge óz usynysyn jetkizdi.
Atap aıtqanda, Bas múftı qajylardy jetkizetin áýe tasymalynyń qyzmet qunyn halyqqa tıimdi baǵada bekitý, qonaqúı baǵasyna jeńildik jasaý, qyzmet sapasyn barynsha arttyrý, tólem jasaý júıesin ońtaılandyrý t.b. máselelerge basa nazar aýdardy.
Óz kezeginde SAK Qajylyq jáne umra mınıstri Taýfık ıbn Faýzan ar-Rabıa qazaqstandyq qajylarǵa mınıstrlik tarapynan barynsha qoldaý kórsetiletinin jetkizdi. Kezdesý sońynda taraptar ekijaqty yntymaqtastyqty arttyrýǵa ýaǵdalasty.
Aıta ketsek, bıyl elimizden 4 myń jerlesimiz úlken qajylyǵyn ótep keldi. Otandastarymyzǵa 14 týrıstik kompanııa qyzmet kórsetti. Qajylarǵa qyzmet kórsetýge laıyqty 14 týrfırma konkýrstyq negizde anyqtalǵan bolatyn.
