Bas múftı Shómishbaı Sarıevtiń týystaryna kóńil aıtty
Elimizge belgili aqyn, el súıip tyńdaıtyn kóptegen ánderdiń sózin jazǵan qarymdy qalamger Shómishbaı Sarıev dúnıeden ótti. Qaıǵyly qazaǵa baılanysty QMDB Tóraǵasy Naýryzbaı qajy Taǵanuly marqumnyń týystaryna kóńil aıtty.
«Shómishbaı aǵamyz ómirde ol kisi aqyndyǵymen de, ǵalymdyǵymen de, aǵalyq qasıetimen de, qarapaıym azamat retinde de aınalasyna syıly, qurmetti ǵumyr keshti. Qazaq ádebıetin óziniń lırıkalyq óleńderimen baıytsa, qazaq ánderiniń qataryna el súıip tyńdaıtyn talaı tanymal ándi dúnıege ákeldi. Artyna mol mura qaldyryp, «Allam bergen mahabbat, Sol sezimmen súıemin» dep ózi jazǵandaı, sezim qylyn shertetin taǵylymdy týyndylaryn barsha jyrsúıer oqyrmanǵa, ánsúıer tyńdarmanǵa arnady. Artyna óshpes mura qaldyrǵan Shómishbaı aǵamyzdyń shyǵarmalary ómirsheń bolyp, el esinde saqtalady degen senimdemiz. Alla ol kisiniń aqyrettik jaıyn jánnattan qylǵaı! Nury peıishte shalqysyn!» delingen Bas múftıdiń kóńil aıtý jedelhatynda.
