Bas múftı Soltústik Qazaqstan oblysyna jumys saparmen bardy (FOTO)
Búgin QMDB tóraǵasy, Bas múftı Naýryzbaı qajy Taǵanuly Soltústik Qazaqstan oblysyna jumys saparmen bardy.
QMDB Tóraǵasy Naýryzbaı qajy Taǵanuly men oblys ákimi Qumar Aqsaqalov jergilikti ardagerler keńesi men Qazaqstan halqy assambleıasynyń ókilderimen kezdesti.
Oblys ákimi Qumar Irgebaıuly óńirdegi ıgi ister jaıly baıandap ótti.
Aımaqtaǵy dinı ahýal sóz bolǵan kezdesýde Bas múftı Dinı basqarmanyń jeti baǵyt boıynsha jumystary jaıly baıandady.
«Soltústik Qazaqstan oblysyndaǵy dinı ahýal meniń jiti nazarymda. Shekaralyq aımaqtaǵy jumystarǵa erekshe kóńil bólip, osy óńirge bilimdi, tájirıbeli din qyzmetkerlerin jiberip otyrmyz. Bul baǵyttaǵy is-sharalar júıeli túrde júzege asady» dedi Naýryzbaı qajy Taǵanuly.
Jıynda Qumar Irgebaıuly osyǵan deıin oblystyń bas ımamy bolǵan Kenjetaı Baıkemelulyna ıgi tilegin bildirip, Qurmet gramotasymen marapattady. Sonymen birge ardagerler keńesi jáne Qazaqstan halqy assambleıasynyń ókilderi de Kenjetaı Dúısenbaıǵa izgi nıetterin jetkizdi.
Kezdesý sońynda Bas múftm oblys ákimine «Ihsan – rýhanı tárbıe negizi» kitabyn syıǵa tartty.
