BAS MÚFTI SÝ BASQAN ÓŃIRLERGE QAIYRYMDYLYQ KÓMEK JASAÝǴA NAZAR AÝDARDY (FOTO)
Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly múftııat qyzmetkerleri jáne oblys bas ımamdarynyń onlaın qatysýymen sý tasqynynan zardap shekken aımaqtarǵa qaıyrymdylyq kómek kórsetý jóninde arnaıy jınalys ótkizdi.
Jıynda «Zeket jáne qaıyrymdylyq» qorynyń dırektory Maqsatbek Qaıyrǵalıev Bas múftıge Qostanaı, Aqtóbe jáne Batys Qazaqstan oblystarynda turǵyndarǵa kórsetilip jatqan qaıyrymdylyq kómek jóninde baıandady. Dál qazirgi ýaqytta QMDB Tóraǵasynyń tapsyrmasymen sý basqan atalmysh óńirlerdiń ortalyq meshitteri janynan eriktiler toby qurylyp, tilsiz jaýǵa qarsy kúsh jumyldyryp, zardap shekken turǵyndarǵa azyq-túlik, kıim-keshek, turmystyq zattar jetkizilýde.
Sondaı-aq aımaqtardaǵy jaǵdaıdy jıynǵa onlaın rejımde qosylǵan oblys ımamdary da Bas múftıge baıandap berdi. Qorytyndylaı kele, QMDB Tóraǵasy Naýryzbaı qajy Taǵanuly el basyna kún týǵan shaqta qoldan kelgen kómekti aıamaý kerektigin jetkizip, din qyzmetkerlerine naqty tapsyrmalar júktedi.
