Bas múftı Syr óńiriniń mádenıet jáne sport sańlaqtarymen kezdesti (FOTO)
Aıtýly jıynǵa Syr óńirindegi óner men mádenıet jáne sport ókilderi qatysty. Atap aıtqanda, N.Bekejanov atyndaǵy drama teatrdyń rejısseri Hýseın Ámir-Temir, aqyn Serik Ydyrysov, aqyn Tóreáli Tólep, sportshylar Ilıa Ilın, Qamshybek Qońqabaev sondaı-aq, jergilikti ónerpazdar jıynda sóz sóılep, Bas múftımen dıdarlasty.
Sharada alǵash sóz alǵan Bas múftı Syr óńirindegi ilkimdi isterge toqtalyp, kezdesýge kelgen aımaqtyń maqtanyshtaryna rahmetin jetkizdi.
«Syr – Alashtyń anasy. Qazaqtyń astanasy bolǵan qala. Alash arystarynyń tabanynyń izi qalǵan meken. Bul ólkege jıi kelip turamyz. Ár kelgen saıyn jańa bir lepke kýá bolyp jatamyz. Pandemııa kezinde bul aımaqta kóptegen ıgi ister atqaryldy. Ózderińiz meshitterdiń bir jaǵynan bolysyp, demeý bolǵandaryńyzǵa raqmet. Ózderińizben osylaı emen-jarqyn kezdeskenime qýanyshtymyn. Dinniń nasıhaty, jaqsylyqtyń jarshysy bop júre berińizder» - dep ıgi tilegin jetkizgen Bas múftı dóńgelek ústel barysynda qoıylǵan saýaldarǵa tushymdy jaýap berdi.
Syr óńiriniń ıgi jaqsylary Bas múftıge rızashylyǵyn bildirip, rýhanı kezdesý jalǵasyn tapsa degen tilek bildirdi.
