Bas múftı Taldyqorǵandaǵy jańa meshittiń ashylýyna qatysty (FOTO)

24 qazan 2020 289 0
Оqý rejımi

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Taldyqorǵan qalasynda jańadan boı kótergen «Táýbe» meshitiniń ashylý saltanatyna qatysty.

Sáýleti men sáni kelisken 3 myń oryndyq «Salıqaly urpaq» qaıyrymdylyq qorynyń tikeleı demeýshiligimen salynǵan bolatyn.

Qulshylyq úıiniń ashylý rásimine «Salıqaly urpaq» qaıyrymdylyq qorynyń quryltaıshysy Bolat Ábishuly, Almaty oblysynyń ákimi Amandyq Ǵabbasuly, óńirdiń bas ımamy Ardaq Núsiphanuly, aýdan-qala bas ımamdary jáne birtqatar qonaqtar qatysty.

«Meshit salýdyń saýaby» týraly nasıhat aıtqan Bas múftı ǵıbadat úıiniń bas ımamy qyzmetine taǵaıyndalǵan din qyzmetkerin kópshilikke tanystyrdy.

–«Allanyń meshitterin shynaıy túrde Allaǵa, aqyret kúnine sengen, namazdy tolyq oryndaǵan, zeket bergen jáne Alladan qoryqqan kisi ǵana ustaıdy. Mine, solardyń týra jol tabýshylardan bolýlary úmit etiledi» delingen «Táýbe» súresinde. Dál osy súrede Alla Taǵala:

«Bizge Allanyń jazǵany ǵana bolady. Ol – bizdiń ıemiz. Múminder Allaǵa táýekel qylsyn» de degen aıat bar. Mine búgin Allanyń qalaýymen bir Allaǵa táýekel etip, osyndaı qulshylyq úıin ashyp otyrmyz. Nelikten «Táýbe» súresinen mysaldar keltirip otyrmyn? Óıtkeni búgingi ashylǵaly turǵan meshittiń aty – Táýbe. Dinimizde táýbeniń orny mańyzdy.

Quranda Alla Taǵalanyń táýbe etýshi quldaryn jaqsy kóretini aıtylsa, hadıs-sharıfte Paıǵambarymyz (oǵan Allanyń salaýaty men sálemi bolsyn): «Adam balasynyń bári qatelik jasaıdy. Solardyń ishindegi eń jaqsylary – jasaǵan qatelikteri úshin táýbe etetinderi» deıdi. Mine, meshit – táýbe etetin oryn, meshit – tárbıe men tálim, ımandylyq ordasy, - dep atap ótti QMDB tóraǵasy.

Sonymen jańa meshitke Bas múftıdiń buıryǵymen Kerimbek Dáýitov Taldyqorǵan ortalyq «Iman» meshitiniń naıb ımamy qyzmetin saqtaı otyryp, ımam bolyp taǵaıyndaldy. Ol Almaty oblysy, Kóksý aýdanynyń Talapty aýylynda týyp-ósken.

Bilimi:

2000-2001 jyldary Islam ınstıtýtyn;
2001-2004 jyldary Nur-Múbárak Egıpet ıslam mádenıeti ýnıversıtetin támamdaǵan.
2014 jyly Imamdardyń bilimin jetildirý ıslam ınstıtýtynda 2 aılyq kýrsta bilimin jetildirgen.
2018 jyly Túrkııa Din isteri basqarmasynyń shaqyrtýymen Túrkııa astanasy Ankarada 2 aı bilim alǵan.

Qyzmeti:

2004-2014 jyldar aralyǵynda Tekeli qalasy «Kerimbek bı» meshitiniń bas ımamy.
2014-2020 jyldan Taldyqorǵan ortalyq «Iman» meshitiniń naıb ımamy qyzmetin atqaryp keledi.

Úılengen, 6 balasy bar.

Pіkіrler Kіrý