Bas múftı tikeleı Efırde ótken brıfıngke qatysty (FOTO)
Búgin elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Prezıdent janyndaǵy Ortalyq kommýnıkatsııalar qyzmetinde tikeleı Efırde ótken karantın kezindegi oraza taqyrybyndaǵy brıfıngke qatysyp, BAQ ókilderiniń suraqtaryna jaýap berdi.
Brıfıngte Naýryzbaı qajy Taǵanuly qazaqstandyqtardy on eki aıdyń sultany, qasıetti Ramazannyń bastalaýymen shyn júrekten quttyqtap, qasıetti aıda meshitterde atqarylatyn sharalar jaıly atap ótti.
«Alla qalasa, 2021 jyldyń qasıetti Ramazan aıy 13 sáýirde bastalyp, 12 mamyrda aıaqtalady. Ortalyq Azııa múftılerimen keńesip, ǵylymı zertteý jumystarynyń nátıjesine súıene otyryp osyndaı sheshim qabyldadyq. 8 mamyrdan 9 mamyrǵa qaraǵan tún – qasıetti Qadir túni. 13 mamyr – Oraza aıttyń birinshi kúni. Alla qalasa, bıyl 30 kún oraza ustaımyz. Osy jylǵy pitir sadaqa mólsheri jan basyna 420 teńge bolyp belgilendi. Pitir sadaqa mólsheri barlyq oblystaǵy 2 keli unnyń eń tómengi baǵasymen ólshendi», - dep atap ótti Bas múftı.
