BAS MÚFTI TÓLE BI KESENESIN ZIIaRAT ETTI (FOTO)
QMDB Tóraǵasy Naýryzbaı qajy Taǵanuly Ózbekstanǵa barǵan saparynda qazaqtyń birtýar tulǵasy Tóle bı Álibekulynyń kesenesin zııarat etti.
Bas múftı bastaǵan delegatsııa baba rýhyna qasıetti Quran aıattaryn baǵyshtady. Búginde Tóle bı kesenesi Tashkenttegi kıeli oryndardyń biri sanalady. Sáýlet kesheni XV ǵasyrdyń birinshi jartysynda salynǵan.
Ataı keteıik, Tóle bı – Qazaq handyǵynyń tutastyǵy úshin kúresken áıgili tulǵa. Qazaqtyń áıgili úsh bıiniń biri, «Jeti Jarǵy» zańdar jınaǵynyń avtorlarynyń biri. Tóle bı 1743-1749 jyldary Tashkent qalasyn basqaryp, osynda jerlengen. Tóle bı kesenesi janynda XIV ǵasyrda ómir súrgen sheıh Havandı Tahýrdyń da mazary bar.
