Bas múftı tórt ımamǵa baspana kiltin tabys etti (FOTO)
El Táýelsizdiginiń 30 jyldyǵyna oraı Shymkent ortalyq meshitinde ótken qaıyrymdylyq sharasyna QMDB Tóraǵasy, Bas múftı Naýryzbaı qajy Taǵanuly arnaıy qatysyp, respýblıkalyq «El úlesi – páterge» aktsııasymen tórt ımamǵa baspana kiltin tabys etti.
Saýapty shara barysynda Bas múftı quttyqtaý sóz alyp, búginde asyl dinimizdiń órkendeýine úles qosyp júrgen, alaıda baspanaǵa muqtaj meshit qyzmetkerlerine páter kiltterin tabys etti. Onyń úsheýi qyzmettik úı bolsa, bireý jeke úı retinde berildi.
Baspana kiltin alǵandar qatarynda Shymkent qalasy «Aıtbaı ata» meshitiniń azanshysy Ilııas Bekjan, «Atameken» meshitiniń ımamy Dáýlet Túlenov, «Tájibaı ata» meshitiniń ımamy Erkebulan Serikbaev jáne «Úsenbek ata» meshitiniń ımamy Mustafa Baýyrjanuly bar.
Aıta ketsek, qonys toı sharasynda Shymkent qalasy Din ister basqarmasynyń basshysy Áljan Tuıaqbaev, QMDB Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Dálelhanuly, QMDB-nyń «Zeket jáne qaıyrymdylyq» qorynyń dırektory Talǵat Omarov boldy.
Eske sala keteıik, respýblıkalyq «El úlesi – páterge» qaıyrymdylyq aktsııasymen 405, 406, 407 jáne 412-úı berildi.
