Bas múftı «Túrkistan» telearnasynyń jumysymen tanysty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysyna jasaǵan is-saparynda «Alataý» medıa ortalyǵynda bolyp, «Túrkistan» telearnasynyń jumysymen tanysty.
Telearna dırektory Baǵdat Qojahmetov Bas múftıge ujymnyń jańa bastamalarymen tanystyryp, jumys josparymen bólisti. Naýryzbaı qajy Taǵanuly telearna ujymyna sáttilik tilep, duǵa jasady.
Aıta ketsek, túrki jurtynyń rýhanı astanasy sanalatyn Túrkistanda ótken Túrkitildes elder Parlamenttik Assambleıasynyń X plenarlyq otyrysynda 7 memleketten quralǵan Parlamenttik Assambleıa keńesi bir aýyzdan «Túrkistan» telearnasynyń túrki elderine ortaq arna bolatyny týraly sheshim qabyldady.
