Bas múftı Túrkistanda teologııa fakýltetiniń jumysymen tanysty (FOTO)

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Túrkistan qalasyndaǵy Qoja Ahmet Iasaýı atyndaǵy Halyqaralyq qazaq-túrik ýnıversıtetinde boldy.

Eń aldymen Bas múftı jaqynda ashylǵan Teologııa fakýltetinde oqytylatyn pánder, aýdıtorııa, jaryq kórgen ǵylymı eńbektermen tanysty. Sondaı-aq professor Metın Iylmazben suhbattasyp, ortaq jobalardy júzege asyrýǵa ýaǵdalasty.

Al fakýltet dekany, professor Dosaı Kenjetaı Iasaýı ǵylymı-zertteý ortalyǵynyń jumysymen tanystyryp, qazirgi teologııa mamandyǵynyń ereksheligine toqtaldy.

Budan keıin Bas múftıge ýnıversıtet kitaphanasyndaǵy dintaný salasynda, onyń ishinde tápsir, hadıs, tasaýýf ilimi jaıly ádebıetter tanystyryldy. Óz kezeginde Naýryzbaı qajy Taǵanuly «Muftyat» baspasynan shyqqan «Ihsan – rýhanı tárbıe negizi» kitabyn kitaphana basshysyna syıǵa tartyp, oqý ordasynyń ujymyna tabys tiledi.

​