Bas múftı Túrkistanda zııarat jasap, qaıyrymdylyq sharasyna qatysty (FOTO)
Qazaqstan musylmandary dinı basqarmasynyń tóraǵasy Serikbaı qajy Oraz kıeli Túrkistanda bolyp, Qoja-Ahmet Iassaýı kesenesin zııarat etti. Babalar rýhyna Quran baǵyshtady.
Túrkistan oblystyq meshitinde Bas múftıdiń qatysýymen «Ramazan kerýeni» qaıyrymdylyq sharasy ótti. 300 otbasyǵa kómek berildi. QMDB tóraǵasy Serikbaı Satybaldyuly jıylǵan jurtshylyqty alda kele jatqan oraza aıt merekesimen quttyqtap, bereke tiledi.
Igi sharada naıb múftı Alaý Ádilbaev muqtaj otbasyǵa úıdiń kiltin tapsyrdy. Igi is QMDB «Zeket» qorynyń uıymdastyrýymen ótip jatqan «El úlesi – páterge» aktsııasy aıasynda júzege asty. Aıta keteıik, bul kópshiliktiń demeýshiligimen berilgen 69-shy baspana.
